الجواب بعون الملك الوهاب

بے احتیاطی سے صرف کپڑے کو نل کے نیچے دے کر اوپر پانی ڈال دینے سے کپڑا پاک نہیں ہوگا۔ بلکہ اچھی طرح خوب رگڑ کر صاف کرناہوگا، یہاں تک کہ نجاست کا اثر ختم ہوجائے ۔ ہاں اگر  خوب صاف کرنے کے باوجود اس میں نجاست کا اثر دکھائی دے تو کوئی حرج نہیں، کپڑا پاک ہوجائے گا۔

بہارِ شریعت میں ہے:" نجاست اگردلدار ہو(جیسے پاخانہ، گوبر، خون وغیرہ) تو دھونے میں گنتی کی کوئی شرط نہیں، بلکہ اس کودور کرناضروری ہے، اگر ایک مرتبہ دھونے سے دور ہوجائےتوایک ہی مرتبہ دھونے سے پاک ہوجائے گااور اگر چار، پانچ مرتبہ دھونے سے دور ہوتوچار، پانچ مرتبہ دھوناپڑے گا، ہاں اگر تین مرتبہ سے کم میں نجاست دورہوجائے تو تین بار پوراکرلینامستحب ہے۔اگر نجاست دورہوگئی مگراس کاکچھ اثررنگ یابوباقی ہے تواسے بھی زائل کرنالازمی ہے، ہاں اگراس کااثربدقت جائے(بڑی دشواری سے جائے)تواثردورکرنے کی ضرورت نہیں تین مرتبہ دھولیاپاک ہوگیا"۔

رئیس دارالافتاء مفتی محمد اکرام المحسن فیضی

مفتی محمد سیف اللہ باروی