السلام علیکم مفتی صاحب! میرا سوال یہ ہے حلا جانوروں کے کپوروں کے بارے میں شریعت کیا فرماتی ہے؟ برائے مہربانی آگاہ فرمادیں۔ سائل:سہراب ناصر خان گلگت بلتستان

الجواب بعون الملک الوہاب

حضرت علامہ مفتی جلال الدین احمد امجدی علیہ الرحمۃ  فرماتے ہیں:" ذبح شرعی کے باوجود حلال جانوروں کا کپورہ حرام ہے ۔فتاویٰ عالمگیر جلد پنجم مبطوعہ مصر ص 256میں ہے ما یحرم اکلہ من اجزاء الحیوان سبعۃ الدم المسفوح والذکر،والانثیان، والقبل، والغداۃ ،والمثانۃ والمرازۃ کذا فی البدائع۔ یعنی حلال جانوروں میں سات چیزیں حرام ہیں۔ ۱:بہتا ہوا خون،۲:آلہ تناسل ۳: دونوں خصیے یعنی کپورے،۴:شرمگاہ،۵:غدود،۶:مثانہ،۷:اور پِتہ ایسے ہی بدائع میں ہے"۔ واللہ ورسولہ اعلم۔ [فتاوی فیض رسول,جلد دوم،کتاب الذبح،ص431، شبیر برادرز، لاہور]۔

رئیس دارالافتاء مفتی محمد اکرام المحسن فیضی

مفتی محمد سیف اللہ باروی